3. No a ghe xè copyrights e tute łe parte de sta publicasiòn łe pol èsar copià o invià
co tuti i mexi, ełetroneghi o mecaneghi, anca fotocopie, rejistrasiòn, e anca ła
pol èsar imagazinà sensa permeso scrito de l’autor o dea caxa editora.
All rights are not reserved. All parts of this publication may be reproduced or
transmitted in any form or by any means, electronic or mechanical, including
photocopy, recording, or any information storage and retrieval system, withouth
prior permission in writing from the publisher.
stanpà inte la Venetia
1° Edisiòn Lujo 2009
4. A ghe dèdego sto libro a chi ca me ga vèrto i
òci e fésto capìr ca a sèmo on Pòpolo sòto
dominasiòn. Dèso ca ghèmo ciapà cosiensa,
catèmolo sto coràjo de ribalarse.
5. NOTE DE SCRITURA
Łe regołe grafeghe, łe xè fasiłi e imedià, el ségno “C” a
se lèxe [K] frente a o/a/u par exenpio : “acua“, “anca”.
Frente a e/i par exenpio se lèxe invése fà : “ciào”,
“céxa”. La “CH“ tipega se lèxe fa in taliàn, par exenpio :
“schei”, “Chéco”. Serte olte la “CH” la se scrìve ànca co
“K” : “skèi”, “Kéko”
A “S” a vién doparà fà na sorda, par exenpio : “Go
masa mistieri pa a testa”.
A “X” a xè doparà fà na sonora, par exenpio : “caxa” o
“xé”.
A “Z” a ga isteso vaeor fonetego de a “X”, par exenpio
: “caza”, “A xè fasie tàxer”, el se podarìa scrivar anca :
“ A zè fasie tàzer”.
La “J” la sostituise la scritùra gi/ge, par exènpio :
“projèto”, “Jijéto”; la “J” la se pol lèxar fa la “J” de
“John” in inglexe o ànca fa in “yes” inglexe.
A “Ł” tajà a raprexenta do varianti foneteghe, parchè
ghe xè parti de el Veneto ca dixe : “A gaina magna e
erbe” e altri invese dixè “La gaina la magna le erbe”.
Cusita, pa respetar e do varianti serte volte xè scrivesto
: “Ła gaina la magna łe erbe”. Mi, bona parte de le òlte
dopàro la “L” normàl, asàndoghe el letòr l’opsion de
lèxarla o mànco. E dòpie in Veneto no łe ghe xè.
No go vołesto èsar pedante fà on acadèmego, vanti
tuto parchè go senpre vardà co sospeto chi ca el ghe
insegna st’altri parlar puito, e pò parchè na lengoa ła ga
da èsar descrivesta fa ła vien parlà e inte el modo pi
fasie par tuti. Penso ca in stì oltimi sento ani, chi ca el
ga festo pì mal a ła nostra lengoa, a xè stà a nostra
prexunsiòn masa granda. El me parèr el xè de scrìvar,
6. parlar e pensar in Veneto, no vargognarse, e
mołargheła de scrìvar sol ca poexie e memorie de sti
ani. In Veneto podimo parlar de matemadega, de
fiłoxofia, de storia, atuaità e de połitega...El letòr el
podarà vèdar ca el testo el xè stà trà xò doparando dea
nostra Lengoa varietà nove, vecie, e de parte difarenti
de el Veneto, parchè a richesa de na lengoa a xè
propio inte a so diversità; in sto modo a grafìa a xè sta
doparà co libartà pròpio pa rèndar sta diversità. In sti
oltimi àni, partìr da on sciàpo de xente, gà scuminsià la
rivinsita e la riapropriasiòn de la nostra Lengoa, storia e
coltùra. A semo drìo riapropiarse de la nostra identità e
dignità de Pòpolo, ca a xè pi inportante ca fàr schèi.. I
schèi va e vién, ma l’identità na olta perdesta a xé finìa.
7. INTRODUSION
Ł’idea de scrìvar sto diàlogo, sta comedièta cùrta cùrta,
me lo ga fésto vignìr le dimànde ca sevitàa fàrme i toxàti
xòveni, ogni olta ca i italiàni no li perdéa l’ocaxiòn de
difamarne co i sòliti stereòtipi del Vèneto : inbriagòn, del
Vèneto ignorànte, del Vèneto contadìn, de la tòxa Vèneta
prostitùta etc.... El xé on mòdo divartente de spiegàr le
ròbe, fa le xè. Nàltri Vèneti, a sémo on Pòpolo sòto
dominasiòn, sòto colonixasiòn. I stàti e nasionalìxmi del
1800 li gà jenarà on colonialìxmo ca el xè rivà al so
màsimo splendòr, co la segòna goèra mondiàl, e gà
scominsià sùito dòpo disgregàrse, scominsiando da la
parifarìa co le colònie oltre màr de tùti i stàti Europèi. La
disgregasiòn coloniàl Afregàna e Axiatega, altro no la xè
ca el scomìnsio de la disgregasiòn dei nasionalìxmi
agresìvi e rasìsti del 1800. El prosèso el xè ncòra inte el
so fàrse, e sta prìma metà del sto sècolo la metarà la
paròla fìn ai òltimi colonialìxmi : cheli in Euròpa. A xè
gran inportante notàr ca i nasionalìxmi del 1800 li gà
scominsià co la colonixasiòn, invaxiòn e sotomisiòn de
altri Pòpoli : Catalani, Baschi, Siculi, Sardi, Veneti,
Tirolìxi, Istriàni.... L’Euròpa la xè tenpestà de sti Pòpoli
natìvi e gràn pi antighi dei nasionalixmi del 1800.
Etnosìdio, jenosìdio, deportasiòn, imigrasiòn, rasixmo,
intolerànsa, discriminasiòn, li xè stà e li xé ncòra i valòri
de sti vèci nasionalìxmi. L’etnosìdio, la proibisiòn de
parlàr le Lengoe natìve, la derixiòn e creasiòn de
steròtipi, el sfrutamento de le risòrse de on Pòpolo li xè
ncòra na prerogatìva de chèi stàti in Euròpa ca li xè in
ritàrdo co la stòria. La italia, la xè el fanalèto de còa, el
stàto pì retrògrado e fanàtego. Pian pianèlo parò, el
8. prosèso el xé drìo desfàr sti stàti e sta ideolojìa ca la xè
stà na tàpa negatìva de la stòria omàna. Al consèto
artifisiàl de stàto, al consèto de sàcri confìni, de patria
indivixìbile, a se sostituìse on consèto fondamentàl : chél
de Pòpolo Natìvo. I Vèneti a li xè on Pòpolo Natìvo
conpagno dei Sìculi, déi Sardi, déi Tirolìxi, la italia la ga le
òre contà e ogni dì ca pàsa la deventa inùtile e danòxa al
svilùpo econòmego, colturàl e polìtego dei Pòpoli
d’Euròpa.
9. DDiiaallooggoo
ffrraaoonnVVèènneettoo ee oonn ttaajjàànn
TONI : Ciào Salvatòr fa xèla ancò?
SALVATORE : Buongiorno Antonio, io stobbene e tu?
T. : Anca mi gràsie!
S. : Antonio, hai visto che cosa sta succedendo?
T. : A se semo inacorti, no ghe ne xé pì pa gnisòn.
S. : Pùre il pane costa troppo e io ho problemi a finire il
mese.
T. : A xè tuta colpa de la italia, de sti ladri de
italiani. A xè la italia ca la xé inutile, ca no la serve
pì gnisòn, ma ansi la serve sol ca le càste :
politeghi, notari, carabinieri, finansa, majistrà,
secretari, prepensionà e statàl…
S. : Ma che cosa dìci. Per fortuna che c’è l’Italia, che è
la patria di tutte le libertà. Guarda che voi Veneti
sareste nella miseria senza l’italia.
T. : Ghe xbòro mi, ca monade sito drìo dìr?
S. : E no, qui ti sbagli di grosso! Senza l’apporto
intellettuale degli italiani voi Veneti sareste ancòra dei
10. contadìni, siàmo nòi che abbiamo guidàto la vostra
crèscita econòmica.
T. : Ma gheto le travécole? Ciò, vàrda ca fin el 1867
a naltri no ne mancava gninte. Invese co i
carabinieri nel 1867 li gà invadesto la Venesia, pa
naltri gà tacà tute le rogne.
S. : Ma cheddici?
T. : Nel 1867 i italiani li gà invadesto la nostra
Venesia e festo on referendum trucà soto minasa
de raprexalie.
S. : Ma la storia dìce che “tutto si svolse con mirabile
quiete….” e poi siamo tutti italiani. Lo siamo dai tenpi di
ròma!
T. : Ma che monàde dìxito? Intanto l’inpero romàn
no gà mai dominà ma federà e in particolàr i Vèneti
no li xèra sùditi ma protagonisti de l’inpero. Catulo
el parlava Vèneto e scrivea in Latìn, i jenaràli e
inperadòri de l’inpero romàn li xèra in bona parte
Vèneti.
S. : Ma smettila di dire sciemenze. Voi Veneti non
sapevate neppure scrivere fino a che roma non vi ha
insegnato la scrittùra.
T. : Bel polentòn a te sì! Varda ca l’Alfabeto
Venetego el gà 800 ani pì de chelo Latìn, ma i
archeoloji italiani stipendià da roma li ga senpre
sercà de scondàr le siviltà e popolasiòn vanti de
ròma, parchè el prinsìpio storiografego del fasixmo
el xè chelo ca la màre de tute le siviltà la vien da
ròma e tuti st’altri li xèra bàrbari. Sto fior fiòr de
archeloji li ciama graffiti el nostro alfabeto
milenario.
11. S. : Ma cheddici?! Eddai parliamo di ragazze piuttosto.
Dì la verità. Sono pòco puttane le ragazze Venete? Noi
italiani col nostro fascino irresistibile ce le facciamo
tutte. Eppoi lo sanno tutti che le ragazze Venete sono
storicamente delle prostitùte.
T. : Anca ti co sta stòria, co sto stereotipo costruìo
da la propaganda italiana ca el servìva difamàr le
nostre tòxe. So i film, a la ràdio, a la tilivixion
senpre afiancàr le tòxe ca le pàrla Vèneto co le
putàne. Bràvi, bela fòrma de rasixmo e difamasiòn!
Cusì le nostre tòxe le se vargogna fìn de parlàr la
Lengoa Vèneta e le ghe la proibìse ai toxìti. La
propaganda italiana la gà creà stereòtipi del tìpo
Tirolìxi-stupidòti, Sardi-pastòri, Siculi-mafioxi,
Veneti-inbriagoni, Venete-putàne….
Mi a go sòl ca na paròla da dìrghe ai italiani :
rasìsti!
S. : Ma lo sanno tutti che siete un pòpolo di ubriacconi
attaccati alla bottiglia.
T. : Naltra de bòna! Bel mòdo de difamàr on Pòpolo.
Sicòme naltri, insieme a Siculi-Sardi-Tirolixi… a
parlemo naltra lengoa, el mòdo pi fàsil de screditar
la nostra Lengoa el xèra chel lì de inpiturarne fa
inbriagòni. Mentre invese chi ca parla italiàn el vien
fèsto pasàr pa intelijente, onesto, bon…. A xè on
miràcolo invese ca no ne gavì copà tùti.
S. : Approposito di miracoli! Se voi Veneti siete
diventati ricchi, lo è solo perché avete avuto fortùna e si
può ben dìre che il vostro è stàto un miràcolo.
Ringraziate la madonna se siete ricconi sfondàti!
T. : Pa prima ròba a xè ca no a semo cusì rìchi fa
credì valtri italiani, ghe ne xè na fràca de naltri ca li
12. fa fin fadìga tiràr la fin del mèxe e proprio gràsie la
vostra politega de ròbo. Miràcoli no ghe ne fa
gnisòn, ghemo sol ca laorà in silensio e co
intelijensa sensa protestàr, credendo inte l’onestà
dei italiani, e in 30 ani ghemo vedesto prelevar el
90% de la nostra richesa da on stàto italiàn ca tuto
el porta vìa e gninte dà, fòra ca diservìsi. Asemo
perdàr i mìti e i sànti, i Veneti laora dùro e no li se
gràta la pànsa a ciàcole fa i italiani. Pòche pugnete!
S. : Ma non te la pigliare a màle, dai che siamo tutti
italiani!
T. : Co che xe òra de magnàr e de tiràr i schèi la
smenè co solita muxicheta “siamo tuddi italiani”.
Ma la verità la xè ca la italia la xè na creasiòn militàr
e politega frùto de la diplomasìa e goera del 1800.
Vanti del 1867 naltri Vèneti a xèrimo na Republica,
la prima moderna republica del mondo. Le Venesie
le xèra on stàto a ndò regnava la justìsia e la
richesa, el rispèto dei pòpoli.
S. : L’italia vi ha portato la cultùra perché voi Veneti
siete degli ignoranti.
T. : Caro Salvatòr, a me despiaxe ca no te te ghe
studià la stòria vera, ma purtropo te te si festo
incoconàr da la stòria fasista italiana ca li insegna
so la scola obligatòria italiana. Vardate par atorno e
dìme fa on pòpolo ignorante el gavarìa podesto
prodùr òmeni de coltùra fa : Vivaldi, Canova,
Palladio, Casanova, Pigafetta, Caboto, Tintoretto,
Mantegna, Da Ponte, Marco Polo……
S. : Ma Palladio è italiano e anche Marco Pòlo!
T. : Anca Pitagora el xera italian secondo la teoria
italiana! No sta dir monàde. La italia i la gà creà nel
13. 1867 e tùta sta xente gheva sitadinansa Venesiàna.
Fin lora naltri Veneti a xèrimo Stàto Indipandente ca
el se ciamàva Republica de Venesia. Ansi la verità
la xè ca l’exersito Austro-Venesiàn el gà batùo i
soldà dei Savoja dandoghe dele batoste
vargognòxe.
S. : Il Veneto è ricco perché sono venuti i nostri
intellettuali a ricoprire le posizioni dirigenziali all’interno
dei vostri uffici. Noi italiani siamo tutti laureati ed
abbiamo condotto il vostro sviluppo economico
permettendovi di arricchirvi. Non sono forse italiani i
notài, gli avvoccati, i carabbinieri, i segretàri, i prefetti, i
majistràti.....?
T. : Gheto bevùo? Ma lo sèto ca cheli ca ti a te
definìsi “intellettuali” altro no li xè ca dei parasìti
racomandà e rufiani ca li xè rivà da naltri
conplicarne la vìta co na burocrasìa asasìna e
inùtile? Tùti sti italiani li gà creà ostacoli al nostro
svilùpo, al nostro mòdo de fàr e laoràr. Sa
podesimo aministrarse a sarìsimo mile olte pi rìchi.
S. : Ma dimmi un pòco, che cosa fareste senza i nostri
carabinieri? Se non vi proteggessero loro ci sarebbero i
terroristi e gli extracomunitari che vi borseggiano!
T. : Ma mòlaghela dìr senpiade. I caranba li xè na
manega de parasìti boni da gninte ca li dopàra la
criminalità strumentalmente pa aumentàr la
militarixasion del teritòrio e el contròlo politego. I lo
sa tuti ca i carabinieri li àtua politigamente, lori no
ghe ne ciàva gninte de la criminalità, ansi i la sfruta
pa ver informasiòn. Altro ca sicuresa! Varda ca
vanti ca ghe fùse la italia, a ghe xera na sola
goardia pa sìta e anca anca. Co xè rivà i italiani li gà
14. portà co lòri schiere de militari e spìe, tuti parasìti
boni da gninte.
S. : Comunque voi Veneti non potete lamentarvi perché
vi siete arricchiti sulla pellaccia di noi italiani che siamo
venùti a lavoràre nelle vostre fabbriche.
T. : Intanto ricordate ca i italiani no li va in fàbrica
ma ghe piaxè star al caldo in ofìso e laoràr, se fa pa
dìr, 35 ore stimàna. Mi in fàbrica, da naltri in
Vèneto, de italiani ghe ne gò senpre vedesti gran
pòchi. Pitòsto go vedesto on mùcio de Croà e xente
ca on tenpo la condividea co naltri el bon goerno
de la nostra Republica Vèneta.
S. : Però non puoi negare che voi Veneti non sapete
parlare e scrìvere e che a scuola siete dei somari. Noi
invece siamo tutti laureati.
T. : Ciò varda ca sa no semo tuti laureà a xe parchè
naltri ndavìmo in capanòn laoràr pa jutar la fameja,
parche da naltri no ghe xera miga la pàga da statàl
ca ciàpa i italiani. E po’ naltri oltre rivàr scòla ca a
parlavimo naltra lengoa (el Veneto), el nostro
sistema el xè pi sèrio. Naltri Vèneti no stanpemo
sertifegà e lauree o le vendemo rento le oniversità.
Valtri italiani vivì de on sistema rufiano de lechini
racomandà.
S. : Guarda un po’ che noi italiani sappiamo fàre di tutto
ed esportiamo in tutto il mondo.
T. : Pian, echela naltra dele to monàde. Chelo ca
ciamè “made in italy” altro no xè ca “made in
Venetia” e valtri italiani lo consè co la fanfareta dei
caranba e chela strasa verde bianco ròsa, ma fin
de la fiera si sòl ca bòni far “pìse e pastasciutta”,
mentre naltri femo vèro export co prodòti
15. tecnolojisi. Sa no me sbalio le pi gran firme in tuti i
setòr le xé Venete.
S. : Voi parlate non una lingua ma un dialetto da
contadini ignoranti!
T. : I italiani li ga ciamà co dispreso dialeto Veneto
la nostra Lengoa Veneta. I italiani li ne gà proibìo de
scrivarla, de parlarla, li ne gà sensurà a la Tv e so i
jornàli. Tùto sto rasixmo e represiòn in nome de on
nasionalixmo italiàn smarso de ignoransa,
arogansa e prejudìsio. El stato italiàn el xè drìo
atuàr on vèro e propio etnosìdio colturàl da 140 àni.
S. : Ma cheddìci. Ma se vi abbiamo salvato noi dalle
foibe!
T. : I italiani a li xé i veri rasisti. La trista verità la xè
ca i italiani partìr dal 1867 li ga atuà na politega
arogante contro tuti i popoli ca vivea rento la
republica de Venesia : Veneti, Ebrei, Armeni, Croà,
Sloveni…
El fasixmo ga conpletà el jenosìdio e el stàto italiàn,
degno erede del fasixmo el xè drìo fàr el resto. I
Vèneti ca vivea so la costa Istriàna li xè sta
parsevità fa ritorsiòn de el jenosìdio ca i fasisti ga
conpìo contro i Croà ca li gheva vivesto in paxe pa
secoli co i Vèneti. Ricordate anca ca i italiani li gà
copà i Ebrei e festo ndàr vìa anca i Armeni, tuti
pòpoli ca gheva vivesto e condividesto secoli de
stòria pasifega co naltri Vèneti. E pa molarghela,
ricordate ca i italiani li gà masacrà mexo miliòn de
Beduini in nord afrega, in nome del colonialixmo
rento i canpi de stermìnio. E in Somalia e Etiopia i
italiani li gà doparà i gas e la tortura contro la
popolasion sivìl, almanco doxentomìla mòrti fra la
16. popolasiòn inosente! Altro ca bràa xénte. Italiani
criminàl!
S. : Comunque vi abbiamo dàto terra da lavorare anche
a ròma dove vi abbiamo ospitato nell’Agropontino!
T. : Bela sta chìve. Altro ca ospità! Ne gavì deportà
bonifegàr le palùdi inpienà de malaria a ndò semo
moresti de fame e malatìe in pì de 4000. I italiani li
se gà conportà pexo de Hitler e Stalin, contro la
popolasion Vèneta.
S. : Mavvalà! Cheddici, se non era per noi adesso
morireste di fàme.
T. : Mo, bela sta chì. La goardia de finansa e
carabinieri li vegnea contàr le foje de tabaco so le
piante pa farne pagàr le tàse, e i nostri fiòli a li
gheva la pelàgra, li xera afamà e li morìa de tìxi.
S. : Ma non ti vergògni a dire queste cose. Noi italiani
siamo un pòpolo di avventurieri che emìgrano e
portano la civiltà di ròma.
T. : Ti senpre dìr trojàde! Varda ca pa ogni italiàn
emigrà, 5 Vèneti li gà dovesto emigràr; e la dìxe
longa so la condisiòn de mixèria ca ne gà cauxà la
italia partìr del 1867. Pensate ca li ne portava vìa
tuto. I italiani pena ocupà la Venesia, li gà tajà tuti i
boschi, metesto tàse infàmi so i jenari limentàri e
su tùta la produsion agrìcola, obligàndo la
popolasiòn Vèneta emigràr o morìr de fàme.
S. : Ma non dire sciogghezze. Proprio vòi che siete gli
sfruttatori dei popoli, voi che vi arricchite sfruttando noi
italiani e gli immigrati.
T. : Mi me par ca chi ca sfrùta i pòpoli a si valtri
italiani. Si sol ca bòni tasàr e tasàr, vìvar so le spàle
de chi ca laòra. Mi fin dèso go sol ca vedesto
17. italiani ca fa i statàl drìo na scrivanìa, o in oniforme
far vasche so le piàse dele sità, e naltri Vèneti in
capanòn masacrarse e morìr de càncàro. Mi mai
festo manco de 50 o 60 ore stimàna de laòro, e
valtri senpre drìo le còtole de on sindicà pa laoràr
manco. Co ndemo l’èstaro in fièra o pa laoro,
viajemo de nòte pa poder laoràr de dì e valtri italiani
invèse co i òci su pal rolojio spetar le 16.00 pa ndàr
càxa o vardar el lunàrio pa ciapàr el stipendio fine
méxe. Naltri no vedemo la pensiòn ma moremo de
càncaro.
S. : Voi fate tutto nero. Voi siete gli evasori fiscali.
T. : Naltra de bòna. A lo sa anca le prìe ca sòto el
po’ ghe xè el 95% de evaxiòn fiscàl. Savemo puito
ca gnisòn pàga l’Iva. Gnisòn paga l’Ici, gnisòn paga
i canoni o le tàse. Ipòcriti! I evaxòri veri li xé i
italiani, ma sevitè co sta nènia sol parchè ve fa
còmodo robarne i nostri schei e sugarne fin l’òso.
S. : Mavvalà che c’avete la mafia del Brenta voi Vèneti!
T. : Savemo puìto chi ca xe ca fa resiclajo de schei
da atività criminàl. Valtri italiani gavì tùto el pexo
dei criminàl; altro ca la sgrexenda de na mafièta de
inportasiòn italiana ca la xe dùra sol coalche àno e
col el bene plàsito dei vostri sbìri. Vardeve el pàlo
inte l’òcio e capirè a ndò ca ghe xè el smàrso. Valtri
italiani si sol ca boni esportàr màfia e pisarìe, altro
no savì fàr; e la dìxe longa i nomi e cognomi dei
italiani famòxi fa Al Capone e Luciano.
S. : Non ti ingazzare. Voi nascondete i soldi in Svizzera
e fate di tutto per non pagàre le tàse. Eppoi a noi chi ci
mantiene? Se non pagate voi, non paga nessuno. Ci
18. vorrà pùre qualche stronzo come vòi. E non te la
pigliare, sài che io un pochìno ci scherzo!
T. : Ma Salvatòr… ma a lo sèto ca el 70% de i beni
artisteghi de el stàto italiàn li xe so la Venesia? Vile,
palasi, texòri….. Ma lo sèto ca vien pì de 100 milioni
de turisti ogni àno vixitàr la Venesia? Mi me par
invese ca sòto el po’ a ghe sìpia de segùro manco
ròba parché ghe xera manco schei e manco tèsta.
S. : Se non era per noi italiani, per il nostro eroismo, voi
Veneti avreste perso le guerre. Grazie al nostro
coraggio potete respirare aria di libertà e vivere da
uomini liberi e non sotto la tirannide teutonica.
T. : A te sì on slavajo de cojonàde. Varda ca la
prima goera mondiàl la ghemo conbatù naltri Vèneti
so la nostra pèle e i italiani vestìi da caranba li ne
sbaràva le spàle sa no volevimo ndàr morìr in
trinsèa. 700.000 mòrti par gninte e tuta la nostra
Venesia bonbardà e depredà, èco cosa ne gà portà
el vostro eroismo de merda!
E la segona goera mondiàl? I nostri alpini morìr al
fredo in Rùsia o deportà, e i carabinieri scanpà al
càldo col rè viliaco! E tuta la nostra tèra bonbardà
dai Mericàni ca ncòra deso li gà le so bàxe militàr
so le nostre sità. La verità la xe ca valtri italiani a si
na manega de viliachi sol boni ciacolàr e tradìr.
S. : Ma dài che scherzo Tonì! Io e te siamo gonpari
perché sono venùto anch’io a vìvere in mezzo a la
nebbia fra queste terre senza bellezze artistiche.
T. : E dàghela co sta stòria de la foschìa. Tùti ca
crede ca naltri a vivémo in mèxo la foschìa! Varda
ca ghemo laghi, montagne oneghe, fiumi, paexaji
ca fa vòja a tùti, ca mexo mondo a ne invìdia. Chela
19. de la foschia la xè tùta na montadùra
propagandistega dei italiani pa sminuìr la gran
belesa e onisità dela Venesia. A ghe xè on dìto
italian ca el fa : “vidi napoli e mòri”, e mi a te dìgo
invése : “vìdi la Venesia e te te rinfranchi”. Po’ sa
parlemo de architetùra e archeolojìa, ghe ne
gavèmo da vendar de seguro pì dei italiani.
S. : E come la mettiamo che voi fate tanto i belli,
producete l’ingoinamento e poi lo esportate in italia da
noi? Vi arricchite sulla nostra pelle o sbaglio? Ci avete
esportato la diossina!
T. : Naltro lògo comùn, naltro stereòtipo! Intanto sa
fùse vera sta ròba a morirìa pì italiani ca Vèneti de
càncaro, e xè invese l’incontrajo. Po’ sa xè rivà i
camion de sostanse incoinanti a xè parchè i vostri
galantòmeni mafioxi e politeghi li se gà arichìo a le
spàle de la pòra xénte produxendo montagne do
documinti fàlsi. Sbalio : sìo o no sìo gran bravi
stanpar schei e sertifegà? E po’ me rixulta ca no si
gnanca bòni jestìr le vostre scoàse.
S. : Ma piuttosto senza di noi voi restereste senza
acqua e senza corrente elettrica. Non potreste neppure
bere l’acqua.
T. : Bràvo, e te volevo chìve. Ma ti lo sèto ca la
Vènesia la ga le sentràli idroeletreghe? Ma lo sèto
ca prodùr corente co l’acoa dei nostri monti a ne
costa zero schèi? E lo seto ca tuta la corente ca le
nostre dìghe prodùxe gratis e ca la xè rinovàbile e
no incoina, ne tòca pararvela tùta xò da valtri
italiani? E par ti sto chìve no xèlo mìa
colonialixmo? La Venesia la xé racoaxi
autosufisiente a livelo enerjetego, epùr, a ne tòca
20. pagàr la corente pì càro de valtri ca no la paghè e pì
càro de tuto el resto d’Europa! Sa dòpo te vol saver
de l’àcoa, naltri Veneti ghemo el pi gràn basìn de
acoa potàbile in Euròpa parchè tuta l’acoa dei
nostri monti la se ferma pochi metri sòto tera a ndò
ghe xè on strato de crèa ca la forma on làgo. Da
naltri basta far on bùxo e te càti la fàlda e te te tìri
su l’acoa. Naltri no ghemo de bexogno ne de la
vostra acoa e gnanca dela vostra corente, ma ansi
a xé proprio l’incontrajo, la italia la xè drìo robarne
tute le risorse e diritùra ne le fa pagàr el dòpio de
vàltri!
S. : Un po’ di ragione ce l’’hai. Forse questa italietta di
burattini e parassìti scomparirà, forse si sta avvicinando
il momento che questo stàto non ha più raggione di
esistere. Forse piccolo è meglio, più responsabile.
Siamo in Europa, gli stàti dell’1800 non hanno più
raggione di esistere. Sono obsoleti ed inutili, servono
solo i privilegi. Vieni un pò a casa mìa che ti offro la
pizza.
T. : Fàme na carità, caxa mea magnaremo mejo. Dai
talià, vien ca te invìto magnàr on bocòn de polenta,
forse co se ghemo delibarà de sta italia de merda e
saremo stàti fedarà co l’Euròpa, a se voremo pi ben
e se rispetaremo co stìma.
Ndemo ca la Maria la ne speta pa magnàr el pastìso
e i oxeli scanpà.