無岸的大海是藍色的
ㆠㄜˊ ㄏㄨㆩ˫ ㆤˊ ㄉㄨㄚ˫ ㄏㄞˋ ㄒㄧ˫ ㄋㄚˊ ㄒㄧㆶ ㆤˊ
bô huānn ê tuā-hái sī nâ-sik --ê
咱的島是綠色的
ㄌㄢˋ ㆤˊ ㄉㄜˋ ㄒㄧ˫ ㄌㄧㆶ̇ ㄒㄧㆶ ㆤˊ
lán ê tó sī li̍k-sik --ê
齒屐的山看著青青
ㄎㄧˋ ㄍㄧㄚㆷ̇ ㆤˊ ㄙㄨㆩˉ ㄎㄨㆩ˪ ㄉㄧㄜㆷ̇ ㄑㄧㄥˉ ㄑㄧㄥˉ
khí-khia ê suann khuànn-tio̍h tshinn-tshinn
山頂的雲白白
ㄙㄨㆩˉ ㄉㄧㄥˋ ㆤˊ ㄏㄨㄣˊ ㄅㆤㆷ̇ ㄅㆤㆷ̇
suann-tíng ê hûn pe̍h-pe̍h
看袂著的風是無色的
ㄎㄨㆩ˪ ㆠㆤ˫ ㄉㄧㄜㆷ̇ ㆤˊ ㄏㆲˉ ㄒㄧ˫ ㆠㄜˊ ㄒㄧㆶ ㆤˊ
khuànn-bē-tio̍h ê hong sī bô sik --ê
清水是透明的
ㄑㄧㄥˉ ㄗㄨㄧˋ ㄒㄧ˫ ㄊㄠ˪ ㆠㄧㄥˊ ㆤˊ
tshing-tsuí sī thàu-bîng --ê
貓面的地球戇戇踅
ㄋㄧㄠˉ ㆠㄧㄣ˫ ㆤˊ ㄉㆤ˫ ㄍㄧㄨˊ ㆣㆲ˫ ㆣㆲ˫ ㄙㆤㆷ̇
niau-bīn ê tē-kîu gōng-gōng-se̍h
毋過遮爾美麗
ㆬ˫ ㄍㄨ˪ ㄐㄧㄚㆷ ㄋㄧ˫ ㆠㄧˋ ㄌㆤ˫
m̄-kù tsiah-ni̍h bí-lē
日頭光啊炎炎
ㆢㄧㆵ̇ ㄊㄠˊ ㄍㆭˉ ㄚㆷ ㄧㆰ˫ ㄧㆰ˫
ji̍t-thâu kng-a-iām-iām
照入這个花花世界
ㄐㄧㄜ˪ ㆢㄧㆴ̇ ㄐㄧㆵ ㆤˊ ㄏㄨㄚˉ ㄏㄨㄚˉ ㄙㆤ˪ ㄍㄞ˪
tsiò ji̍p tsit ê hua-hua sè-kài
勞碌的人當時停睏一下
ㄌㄜˊ ㄌㆦㆶ̇ ㆤˊ ㄌㄤˊ ㄉㄤˉ ㄒㄧˊ ㄊㄧㄥˊ ㄎㄨㄣ˪ ㄐㄧㆵ̇ ㆤ˫
lô-lo̍k ê lâng tang-sî thîng-khùn tsi̍t-ē
拍開目睭共看覓
ㄆㄚㆷ ㄎㄨㄧˉ ㆠㄚㆶ̇ ㄐㄧㄨˉ ㄍㄚ˫ ㄎㄨㆩ˪ ㄇㄞ˫
phah-khui ba̍k-tsiu kā khuànn-māi
叫是攏相仝的
ㄍㄧㄜ˪ ㄒㄧ˫ ㄌㆲˋ ㄒㄧㄜˉ ㄍㄤ˫ ㆤˊ
kiò-sī lóng sio-kâng --ê
結果煞攏無相仝
ㄍㄧㄚㆵ ㄍㄜˋ ㄙㄨㄚㆷ ㄌㆲˋ ㆠㄜˊ ㄒㄧㄜˉ ㄍㄤ˫
kiat-kó suah lóng bô sio-kâng
擱較予人看無目地的細粒籽
ㄍㄜㆷㄎㄚㆷ ㄏㆦ˫ ㄌㄤˊ ㄎㄨㆩ˪ ㆠㄜˊ ㆠㄚㆶ̇ ㄉㆤ˫ ㆤˊ ㄙㆤ˪ ㄌㄧㄚㆴ̇ ㄐㄧˋ
koh-khah hōo-lâng khuànn bô ba̍k-tē ê sè-lia̍p-tsí
嘛有活命咧生湠
ㄇㄚ˫ ㄨ˫ ㄨㄚㆷ̇ ㄇㄧㄚ˫ ㄉㆤㆷ ㄙㆥˉ ㄊㄨㆩ˪
mā ū ua̍h-miā teh senn-thuànn
無邊的宇宙是冰冷的
ㆠㄜˊ ㄅㆪˉ ㆤˊ ㄨˋ ㄉㄧㄨ˫ ㄒㄧ˫ ㄅㄧㄥˉ ㄌㄧㄥˋ ㆤˊ
bô-pinn ê ú-tīu sī ping-líng --ê
太陽是燒熱的
ㄊㄞ˪ ㄧㆲˊ ㄒㄧ˫ ㄒㄧㄜˉ ㆡㄨㄚㆷ̇ ㆤˊ
thài-iông sī sio-jua̍h --ê
若璇石的閃熠天星
ㄋㄚˋ ㄙㄨㄢ˫ ㄐㄧㄜㆷ̇ ㆤˊ ㄒㄧㆰˋ ㄒㄧㆷ ㄊㆪˉ ㄑㆪˉ
ná suan-tsio̍h ê siám-sih thinn-tshinn
毋知通蹛人抑袂
ㆬ˫ ㄗㄞˉ ㄊㄤˉ ㄉㄨㄚ˪ ㄌㄤˊ ㄧㄚㆷ̇ ㆠㆤ˫
m̄ tsai thang tuà lâng iah bē
看袂著的你變土粉做的
ㄎㄨㆩ˪ ㆠㆤ˫ ㄉㄧㄜㆷ̇ ㆤˊ ㄌㄧˋ ㄅㆪ˪ ㄊㆦˊ ㄏㄨㄣˋ ㄗㄨㆤ˪ ㆤˊ
khuànn-bē-tio̍h ê lí pìnn thôo-hún tsuè --ê
我猶原有肉有血
ㆣㄨㄚˋ ㄧㄨˉ ㆣㄨㄢˊ ㄨ˫ ㆠㄚㆷ ㄨ˫ ㄏㄨㄧㆷ
guá îu-guân ū bah ū huih
一目𥍉的人生短短
ㄐㄧㆵ̇ ㆠㄚㆶ̇ ㄋㄧㆷ ㆤˊ ㆢㄧㄣˊ ㄒㄧㄥˉ ㄉㆤˋ ㄉㆤˋ
tsi̍t-ba̍k-nih ê jîn-sing té-té
毋過遮爾美麗
ㆬ˫ ㄍㄨ˪ ㄐㄧㄚㆷ ㄋㄧ˫ ㆠㄧˋ ㄌㆤ˫
m̄-kù tsiah-ni̍h bí-lē
月娘光啊恬恬
ㆣㄨㆤㆷ̇ ㄋㄧㄨˊ ㄍㆭˉ ㄚㆷ ㄉㄧㆰ˫ ㄉㄧㆰ˫
gue̍h-niû kng-a-tiām-tiām
照入這个烏暗世界
ㄐㄧㄜ˪ ㆢㄧㆴ̇ ㄐㄧㆵ ㆤˊ ㆦˉ ㆰ˪ ㄙㆤ˪ ㄍㄞ˪
tsiò ji̍p tsit ê oo-àm sè-kài
受傷的人當時得著安慰
ㄒㄧㄨ˫ ㄒㄧㆲˉ ㆤˊ ㄌㄤˊ ㄉㄤˉ ㄒㄧˊ ㄉㄧㆵ ㄉㄧㄜㆷ̇ ㄢˉ ㄨㄧ˪
sīu-siong ê lâng tang-sî tit-tio̍h an-uì
展開心肝共看覓
ㄊㄧㄢˋ ㄎㄨㄧˉ ㄒㄧㆬˉ ㄍㄨㆩˉ ㄍㄚ˫ ㄎㄨㆩ˪ ㄇㄞ˫
thián-khui sim-kuann kā khuànn-māi
空喙攏無相𫝛
ㄎㄤˉ ㄘㄨㄧ˪ ㄌㆲˋ ㆠㄜˊ ㄒㄧㄜˉ ㄒㄧㄤˊ
khang-tshuì lóng bô sio-siâng
疼的痛苦攏相𫝛
ㄊㄧㆩ˪ ㆤˊ ㄊㆲ˪ ㄎㆦˋ ㄌㆲˋ ㄒㄧㄜˉ ㄒㄧㄤˊ
thiànn ê thòng-khóo lóng sio-siâng
擱較軟汫的人嘛有堅強的力量
ㄍㄜㆷ ㄎㄚㆷ ㄋㆭˋ ㄐㄧㆩˋ ㆤˊ ㄌㄤˊ ㄇㄚ˫ ㄨ˫ ㄍㄧㄢˉ ㄍㄧㆲˊ ㆤˊ ㄌㄧㆶ̇ ㄌㄧㆲ˫
koh-khah nńg-tsiánn ê lâng mā-ū kian-kiông ê li̍k-liōng
因為重生的向望
ㄧㄣˉ ㄨㄧ˫ ㄉㄧㆲˊ ㄒㄧㄥˉ ㆤˊ ㆭ˪ ㆠㄤ˫
in-uì tiông-sing ê ǹg-bāng
===（重複）===
一目𥍉 有向望抱咧
ㄐㄧㆵ̇ ㆠㄚㆶ̇ ㄋㄧㆷ ㄨ˫ ㆭ˪ ㆠㄤ˫ ㄆㄜ˫ ㄌㆤㆷ
tsi̍t-ba̍k-nih ū ǹg-bāng phō leh
一目𥍉 通堪得疼咧
ㄐㄧㆵ̇ ㆠㄚㆶ̇ ㄋㄧㆷ ㄊㄤˉ ㄎㆰˉ ㄉㄧㆵ ㄊㄧㆩ˪ ㄌㆤㆷ
tsi̍t-ba̍k-nih thang kham-tit thiànn leh
一目𥍉 真實活咧
ㄐㄧㆵ̇ ㆠㄚㆶ̇ ㄋㄧㆷ ㄐㄧㄣˉ ㄒㄧㆵ̇ ㄨㄚㆷ̇ ㄌㆤㆷ
tsi̍t-ba̍k-nih tsin-si̍t ua̍h leh
才會遮爾美麗
ㄐㄧㄚㆷ ㆤ˫ ㄐㄧㄚㆷ ㄋㄧ˫ ㆠㄧˋ ㄌㆤ˫
tsiah ē tsiah-ni̍h bí-lē
===（重複）===
