Aurkezpenean Vincent Van Goghen Autorretratua kapela grisarekin koadroaren azterketa egiten da irudiaren egituran parte hartzen duten zenbait baliabide aztertuz: konposaketa, kolorearen erabilera eta interesguneak. Azterketa honen bitartez irudiaren mezua hobeto ulertuko dugu.
3. FITXA TEKNIKOA
Autorretratua kapela grisarekin. Vincent Van Gogh. 1887-1888.
Olio pintura mihisearen gainean. 44 x 37,5 cm.
Van Gogh museoa, Amsterdam.
5. IRUDIAREN KONPOSAKETA
Hondoan dauden lerroak pertsonaiaren buruaren inguruan biraka
daude, aurpegia irudian zentratuz eta gure begirada aurpegira
bideratuz.
6. KOLOREAREN ERABILERA
Irudiaren hondoan eta pertsonaiaren arropetan kolore hotzak dira
nagusi, urdinaren gamakoak. Kapela grisa da, kolore neutroa.
Pertsoanaiaren aurpegian eta lepoan kolore beroak erabili dira.
7. KOLOREAREN ERABILERA
Van Goghek kolore hotz eta beroen arteko kontrastea aurpegia, hau
da, irudiaren elementu nagusia bereizteko erabili du. Era honetan,
gure begirada bere aurpegira eta bere espresiora bideratzen du.
8. INTERESGUNEAK
Van Goghek bere aurpegia irudiaren erdigunean kokatu du, elementu
garrantzitsuena bilakatuz, bere kokapenagatik eta koloreen
kontrasteagatik batez ere.
9. IRUDIAREN MEZUA
Irudi honen bitartez Van Goghek bere erretratua erakutsi nahi
digu, espresioan seriotasuna eta kezka adieraziz, bere
bizitzaren erakusgarri bezala. Erabilitako konposaketaren
bitartez aurpegiak irudiaren gainazal handiena betetzea lortzen
du, aurpegia erdigunean kokatuz eta irudiaren elementu
nagusia bilakatuz. Koloreen erabilera ere helburu berdinarekin
landu du, kolore hotz eta beroen kontrastearen bitartez
aurpegia nabarmenduz.
10. TESTUINGURU HISTORIKOA
1887an Van Goghek 22 autorretratu
margotu zituen, gehienak Arlesen.
Eskuineko irudian dugun autorretratua
puntillismoa deituriko teknika erabiliz
margotu zuen Vincent Van Goghek 1887.
urtean.
Ezkerrean dugun koadroa,
Sarale-uzta, Camille Pissarrok
margotu zuen 1887an. Pissarro,
Seurat eta Signacekin batera,
puntillismoa landu zuten
margolari garrantzitsuenetakoa
izan zen.
11. KOKALEKUA
Autorretratua kapela grisarekin koadroa Amsterdameko Van Gogh
museoan dago. Museoak Van Goghen garai artistiko desberdinetako
200 koadro eta 400 marrazki baino gehiago biltzen ditu.
Van Goghen
marrazkiak.