Informatika tolosaldea proiektua

1. 2014
Unai Astibia
SARE SOZIAL KORPORATIBOAK

2. AURKIBIDEA
SARRERA ......................................................................................................................................... 2
1. ZER DIRA SARE SOZIAL KORPORATIBOAK ? ........................................................................ 2
2. SARE SOZIAL KORPORATIBOEN PLATAFORMA.................................................................... 3
3. YAMMER.................................................................................................................................... 3
3.1. Kontua sortu ........................................................................................................................ 4
3.2. Taldeen kudeaketa .............................................................................................................. 5
3.2.1. Taldeak sortu................................................................................................................ 5
3.2.2. Taldeari erabiltzaileak gehitu ........................................................................................ 7
3.2.3. Erabiltzaileak taldetik ezabatu....................................................................................... 8
3.2.4. Taldeak ezabatu ........................................................................................................... 8
3.3. 2is3-proiektua sarea ............................................................................................................ 9
3.4. Erabilera .............................................................................................................................12
3.4.1. Komentarioak...............................................................................................................12
3.4.2. Fitxategiak ...................................................................................................................15
3.4.3. Posta pertsonala..........................................................................................................17
3.4.4. Notifikazioak ................................................................................................................18
3.4.5. Aplikazioak...................................................................................................................19
3.4.6. Yammer notifier ...........................................................................................................20
4. INPLEMENTAZIOA....................................................................................................................23
ONDORIOAK....................................................................................................................................24

3. SARRERA
Proiektu hau sare sozial korporatiboen ingurukoa da eta bertan, berauek zer diren eta
zertarako diren azaltzeaz gain, sare sozial korporatibo propio bat nola sortu eta kudeatu azaltzen da.
1. ZER DIRA SARE SOZIAL KORPORATIBOAK ?
Sare sozial korporatiboak enpresa bateko langileen arteko komunikazioa hobetzeko
asmoarekin sorturiko tresna bat da. Berauek ohiko sare sozialak (facebook, twitter…) eredutxat
harturik, antzeko esperientzia bat eskaintzen dute enpresa mundura bideratuta. Hortaz, funtsean,
sare sozial ezagunen antzeko web aplikazioak direla esan daiteke.
Sare sozial korporatibo hauen helburuak enpresako langileen arteko komunikazioa erraztea
eta arintzea da produktibitatea areagotzeko helburuarekin. Orain arte ohikoa zen enpresa handietan
posta elektroniko propioa edukitzea, baina azken urteetan posta elektroniko horiek sare sozial
korporatiboengatik aldatzen hasi dira.
Izan ere, sare sozial korporatiboek posta elektronikoak baino komunikazio azkarragoa,
zuzenagoa eta gertuagokoa eskaintzen dute denbora errealean. Horretaz gain dokumentuak, irudiak,
bideoak edo beste motatako fitxategiak partekatzeko aukera ematen dute.
Sare sozial hauen punturik indartsuena komunikaziorako ematen dituzten erraztasunak dira
eta komunikazioa hobetzearen emaitzak produktibitate igoera ekarri ohi du. Sare sozial hauen
inplementazioak produktibitatearen igoera nabarmena eragin du aplikatu den enpresetan eta hori
dela eta berauen erabilerak izugarri egin du gora azkenaldian enpresako e-postari tokia kenduz.

4. 2. SARE SOZIAL KORPORATIBOEN PLATAFORMA
Sare sozial korporatiboen erabileraren gorakadaren ondorioz, berauek sortzeko hainbat
plataforma ezberdin garatu dira azken urteetan. Plataforma hauek eskaintzen dituzten aukera guztiak
baliatzeko ordaindu egin behar da, baina zorionez, doako bertsio batzuk eskaintzen dituzte oinarrizko
zerbitzuekin.
Bilaketa lan baten ondoren, hainbat plataforma aurkitu ditut doako bertsioa eskaintzen
dituztenak. Doako bertsioa horien artean nire sare sozialerako nahi ditudan zerbitzuak eskaintzen
dituzten bi plataforma nagusi daude (erabilienetakoak direnak) alde batetik yammer dago eta bestetik
makeanet.
Bi plataforma hauek doako bertsioan elkarrizketak mantentzeko aukera, fitxategiak igotzeko
aukera, taldeak sortzeko aukera eta beste hainbat zerbitzu eskaintzen dituzte. Bi plataformak oso
antzekoak dira eskaintzaren arabera, baina erabiltzaileen iruzkinei erreparatuz gero, yammer
plataformak egokiagoa dirudi eta hortaz nire sare sozial korporatiboa sortzeko yammer plataforma
erabiltzea erabaki dut.
3. YAMMER
Yammer, Microsoft-en sare sozial korporatiboetarako plataforma da. Berau, munduko
enpresa gehienek erabiltzen dutena da eta nik ere yammer erabiltzea erabaki dut. Sare sozial
korporatiboak web aplikazioak dira, baina ez dira zerbitzari batean instalatu behar, izan ere,
Yammer-en zerbitzarian sortzen da sare sozial berria kontua sortzerakoan.
Hortaz, ez denez ezer deskargatu edo instalatu behar, zuzenean kontu berri bat sortu dut
nire sare sozial korporatibo propioa sortzen hasteko.

5. 3.1. Kontua sortu
Yammer-en kontua sortzeko, yammer-en webgunean sartu naiz ( https://www.yammer.com )
eta nire posta elektronikoko helbidea idatzi dut eta sign up botoia sakatu dut.
Ikastetxeko posta helbidea erabili dut, izan ere, Yammer-ek postaren domeinua erabiltzen
du erabiltzailea domeinu horren sare sozial korporatiboan sartzeko. Kasu honetan, nire
erabiltzailearen sare sozial nagusia tolosaldea.com izango da.
Behin hori eginda helbidea egiaztatu behar da eta horretarako Yammer-ek mezu bat bidali
dit esteka batekin. Nire helbidea benetakoa dela ziurtatzeko esteka horretan sartu eta nire Yammer-
eko kontua aktibatu egin da.
Kontua aktibatutakoan automatikoki perfila betetzeko leiho bat agertu da eta bertan izena,
abizena, pasahitza eta beste datu batzuk sartu behar izan ditut. Horretaz gain, nire sarerako enpresa
gehienetan egon ohi diren talde batzuk aktibatzeko aukera eman dit (salmentak, IT…). Azkenik nire
argazkia jartzeko aukera eman dit leihoak.
Perfila aurrerago ere editatu daiteke, beraz ez da beharrezkoa dena betetzea kontua
aktibatzeko garaian. Horretarako, hobespenen botoian sakatu eta “ edit profile “ sakatu behar da.

6. Nik kontua sortu aurretik jadanik bazeuden tolosaldea.com domeinuko erabiltzaile batzuk
eta hortaz, ni ez naiz sare honetako administraria, baina, administrazio aukerak ikusteko beste sare
sozial bat sortuko dut aurrerago.
3.2. Taldeen kudeaketa
3.2.1. Taldeak sortu
Nahiz eta sareko administratzailea ez izan, erabiltzaile arruntek ere, taldeak sortzeko aukera
dute eta talde horiek kudeatu ditzakete. Talde bat sortu ahal izateko lehenik eta behin
tolosaldea.com sareko hasiera orrira joan naiz.

7. Bertan, nire perfila sortzerakoan aktibatu ditudan taldeak ikus daitezke (sales, IT solution…).
Talde bat sortzeko, “ create group “ botoian klik egin dut eta leiho bat agertu zait taldearen sorrera
burutzeko.
Taldeari Proiektua 2is3 izena jarri diot eta “internal” motakoa egin dut. Honek esan nahi du
tolosaldea.com sareko erabiltzaileentzat soilik izango dela eta gainera “private” motakoa bezala
zehaztu dut. Horrek esan nahi du talde honen partaideak nik aukeratuko ditudala bere sortzailea
bezala.
Taldea sortzeko garaian beroni erabiltzaileak gehitzeko aukera dago erabiltzaileen izenak
“group members “ atalean idatziz.

8. Taldearen deskribapena editatzeko aukera ere badago, horretarako taldean sartu “info”
atalera joan eta “edit” sakatu behar da.
3.2.2. Taldeari erabiltzaileak gehitu
Taldera erabiltzaileak gehitu ahal izateko lehenengo erabiltzaile hauek sare sozialera gehitu
beharko dira eta horretarako bi aukera daude. Lehenengo aukera “invite” botoia sakatzea da gero
helbide elektronikoak idazteko eta bestea, admin  user management  invite users. Azkeneko hau
sareko administratzaileak soilik egin dezake.
Nik proba egiteko bi klase-kideren helbideak jarri ditut. Horrela nire klase-kideek mezu bana
jaso dute euren posta elektronikoan sare sozialera gonbidatuz eta onartzerakoan neuk kontua
aktibatzean igarotako prozesu berbera egin dute.
Behin erabiltzaileak sarera gehituta, taldeetara gehitzea soilik geratzen da. Horretarako, nik
administratzen dudan sare batean sartu naiz eta “add users” ikurraren gainean klik egin dut.

9. Orduan leiho bat ireki zait erabiltzaileak gehitzeko eta hori egiteko euren helbidea edo izena
jarri behar da eta “add” botoia sakatu.
3.2.3. Erabiltzaileak taldetik ezabatu
Erabiltzaileak ezabatzeko, berriz, taldeko “members” atalera joan eta erabiltzailearen
menuan “remove from group” aukeratu behar da.
3.2.4. Taldeak ezabatu
Azkenik, taldeak ezabatzeko edozein taldetan sartu eta “edit group settings” atalera joan
behar da.

10. Bertan, taldearen informazioa agertuko da eta orriaren amaieran, “delete group” aukera
egongo da. Taldea ezabatzeko aukera hori hautatu behar da eta hurrengo leihoan baieztatu.
Hauek dira Yammer-ek eskaintzen dituen aukerak taldeekin lan egiteko eta behin hauek
ikusita nire sare propioa sortuko dut sare bat administratzeko ematen dituen aukerak aztertzeko.
3.3. 2is3-proiektua sarea
Nire sare sozil korporatiboa sortzeko “networks” atalean “create new network” aukeratu dut
eta horrela leiho bat ireki zait sarea sortzeko.

11. Sareari 2is3-proiektua izena jarri diot eta “closed” aukera jarri diot nik bakarrik gehitu ahal
izateko erabiltzaile berriak eta horrela nire sare sozial korporatibo berria sortu dut.
Sare honetan, tolosaldea.com sarean ez-bezala, “admin” deituriko atal bat agertzen zait
sarearen konfigurazioa aldatu ahal izateko. Ematen didan lehenengo aukera diseinua eta
konfigurazioa aldatzearena da admin design and configuration sakatuz.
Konfigurazio orrian sarearen izena, hasierako mezua, erabiltzaileak gonbidatzeko baimenak
eta abar konfiguratu daitezke. Sarea ezabatzeko aukera ere atal honetan eskaintzen da.
Bestalde, “design” atalean kolorea, logoa eta beste hainbat gauza editatzeko aukera
eskaintzen dit, baina aukera horietako batzuk blokeatuta daude doako bertsioan.

12. “Admins” atalean erabiltzaile arruntak administratzaile taldera gehitzeko aukera dago.
Azkenik, erabiltzaileen kudeaketaren atala geratzen da ikusteko. Bertan, nire sarera
erabiltzaileak gehitu ditzaket edota jadanik daudenak ezabatu. Erabiltzaileak nire sarera gehitzeko
admin  user management atalean “invite users” aukeratu dut eta gonbidatu nahi ditudan
erabiltzaileen helbideak sartzeko leiho bat agertu zait. Bertan, bi helbide sartu ditut eta “add” sakatu
dut.

13. Modu honetara, tolosaldea.com sarean gertatu den bezala, bi erabiltzaileek mezu bat jaso
dute nire sarera gehitzeko.
Erabiltzaileak ezabatzeko berriz, “remove user” atalera joan naiz eta bertan ezabatu nahi
dudan erabiltzailearen izena idatzi dut eta “submit” botoia sakatu dut.
Erabiltzaile bat saretik ezabatzean bere mezuak ezabatzeko edo gordetzeko aukera ematen
du. Modu honekin erabiltzailea sare osotik ezabatzen da eta hortaz, partaide zen talde guztietatik
ezabatuko da talde bakoitzetik banaka ezabatzen ibili beharrik gabe.
Sareko administrariari beste hainbat aukera eskaintzen zaizkio, baina doako bertsioan
blokeatuta daude eta ezin izan ditut probatu.
3.4. Erabilera
Behin kudeaketa aukerak aztertu eta gero, Yammer-ek sare sozial korporatibo bezala
eskaintzen dituen erabilerak ikertu eta probatu ditut. Yammer eta gainontzeko sare sozial
korporatiboak enpresa bateko langileen arteko komunikazioa hobetzeko pentsatuak daude eta
horregatik eskaintzen duten gauzarik esanguratsuena elkarrizketak mantentzeko aukera da.
3.4.1. Komentarioak

14. Aski da sarean edo talde batean sartzea eta testuaren koadroan idaztea momentuan
komentario bat argitaratzeko.
Honela modu azkar eta eraginkor batean komunikatzea lortzen da eta gainontzeko
komentarioei erreferentzia egitea posiblea da, baita komentario bat goraipatzea ere.
Horretaz gain, komentarioei “topic” edo gai bat jartzeko tresna bat dago eta modu horretara
guk nahi dugun gaiari buruzko komentarioak soilik ikus ditzakegu. Mezu bati gai bat gehitzeko,
mezuaren aukeretan “more” sakatu eta gero “add topics”. Behin hori eginda gaiaren izena idatzi eta
mezua gai horrekin lotuta geldituko da.
Sortutako gaiak ikusteko apps topics helbidera joan behar da.
Gai horretako mezu guztiak ikusteko berriz gaiaren izenean klikatzea nahikoa da bertako
mezuak bistaratzeko.

15. Komentario edo mezu arruntez gain, inkestak edo gertaerak ere argitaratu daitezke “poll” eta
“event” botoietan klik eginda.
Inkesta bat sortzerako garaian galdera bat eta nahi adina erantzun jarri daitezke. Aurrerago,
botoa emateko eta emaitzak ikusteko aukerak daude.
Gertakizunei dagokienez, berauen izena, deskribapena eta data zehaztu daitezke, jendeak
joan behar duen ala ez erantzuteko aukera izango dutelarik.

16. Komentarioekin amaitzeko, edozein motako komentarioei “bookmark” bat jar diezaiokegu.
Honen bitartez, nahiz eta guk markatutako komentarioaren ondoren beste hainbat idatzi, berau
“bookmarks” atalean gordeta geratuko da edozein momentutan ikusteko.
Komentario bat markatzeko, beronen “more” aukeratu eta bertan “bookmark” hautatu behar
da. Gero, markatutako komentarioak ikusteko gure erabiltzailearen perfilera joan eta “more” atalean
“bookmarks” aukeratu behar da.
3.4.2. Fitxategiak
Komentarioez gain, Yammer sare sozial korporatiboak edozein motako fitxategiak igotzeko
aukera ematen du (irudiak, bideoak, idatzizkak…). Fitxategi bat igotzeko elkarrizketen atalean datuak
atxikitzeko ikurra sakatzea nahikoa da.

17. Orduan, hainbat aukera azaltzen dira. Lehenengoa, ordenagailutik fitxategi bat igotzeko da
eta bigarrena berriz, jadanik sare sozialean igota dagoen fitxategi bat gehitzearena. Lehenengoa
aukeratuz gero, bilatzailea erabiliz fitxategia aukeratu eta “post” sakatu behar da.
Bigarren aukerarako berriz, fitxategia jadanik igota egon beharko du eta horretarako “files”
atalean “upload file” aukeratu behar da.
Hemen ere, fitxategia aukeratu eta “upload” sakatu behar da.

18. Horrela, fitxategia igota egongo da sarean eta sareko edozein erabiltzaile atzitu ahalko du
eta ez hori bakarrik, izan ere, dokumentuak sarean editatu daitezke.
Igotako dokumentu bat editatzeko berau aukeratzea besterik ez dago online irakurtzeko eta
irakurtzeaz gain, edizio tresna batzuk ere erabilgarri daude. Edizio horiak komentarioak edo
zuzenketak egiteko erabili daitezke besteak beste.
Dokumentuei jarraipena egitea posiblea da eta horri esker norbaitek dokumentu bat
editatzean mezu bat jasotzen da abisu moduan.
3.4.3. Posta pertsonala
Elkarrizketez gain, posta pertsonala ere eskaintzen du yammer-ek. Honela, erabiltzaile
batekin bakarrik hitz egin nahi ezkero besteek mezuaren edukia ikusi gabe, nahikoa da mezu pribatu
bat bidaltzearekin. Mezu hauek erabiltzaile bakarrarentzat edo talde oso batentzat izan daitezke eta
ohiko posta elektronikoak bezala funtzionatzen du.

19. Mezu bat bidaltzeko “inbox” atalean “create message” botoia klikatu behar da eta leiho bat
agertuko da mezua idazteko eta norentzat den adierazteko.
Mezu bat jasotzean berriz “inbox” ikurraren ondoan abisu bat agertzen da irakurri gabeko
mezu bat dagoela adierazteko.
3.4.4. Notifikazioak
Erabiltzailea partaide den sare sozialean aldaketaren bat edo eguneraketaren bat
dagoenean Yammer-ek notifikazio bat bidaltzen du kontua sortzeko garaian erabilitako posta
elektronikoko helbidera.
Notifikazio hauek noiz jaso nahi diren aukeratu daiteke erabiltzailearen perfila
editatzerakoan “notifications” atalean sartuz.

20. Modu horretara, sare sozialaren eguneraketak ezagutu daitezke bertan sartu beharrik eduki
gabe. Notifikazio hauek ezgaitu daitezke “checkbox” guztiak aukeratu gabe utzita.
3.4.5. Aplikazioak
Yammer-ek beste web aplikazio batzuk probatzeko aukera eskaintzen dio erabiltzaileari eta
“apps” atalera joan da aplikazio zerrenda osoa ikus daiteke.
Aplikazio horietakoren bat probatu nahi ezkero botoia sakatzea besterik ez dago eta
Yammer-eko kontuarekin saioa hasi daiteke. Honek esan nahi du aplikazio guzti hauek elkar lotuta
daudela modu errazagoan lan egitea ahalbidetuz.
Nire kasuan proba egiteko schoox aplikazioaren gainean klik egin dut eta leiho bat ireki zait
yammer-eko datu berdinekin kontua sortzeko.

21. Behin onartu dudala, zuzenean schoox-eko hasiera orrian agertu naiz saioa hasita eta
erabiltzeko prest.
Schoox aplikazioan kontua sortzeko gai izan naiz segundu batean Yammer-ekin duen
loturarengatik. Yammer-en mota honetako aplikazioez gain jendeak sortutakoak ere aurkitu daitezke
hainbat erabilera dituztelarik.
3.4.6. Yammer notifier
Yammer plataformak, mahaigainerako zein mugikorrerako aplikazioak eskaintzen ditu sare
sozialera konektatzeko modu ezberdin bat bezala. Nik mahaigaineko “ yammer notifier” aplikazioa
deskargatu dut.

22. Aplikazioa deskargatzeko hasiera orriko esteka baliatu dut.
Behin deskarga amaituta, instalazioa baimentzeko leiho bat agertu da eta “install” aukeratu
dut horrela instalazioa hasi delarik.

23. Behin instalazioa amaituta programa ireki dut eta saioa hasteko leiho bat agertu zait.
Saioa hasi dudanean leihoan irakurtzeko mezu pribatu bat eta notifikazio bat ditudala
abisatu dit.
Ikurren gainean klikatzean berauek irakurtzeko orrira bideratu nau. Azkenik, nire sare
sozialean mezu bat idatzi dut beste erabiltzaile batekin eta notifier programak mezua erakutsi dit
pantailaren alde batean.

24. 4. INPLEMENTAZIOA
Nire proiektuaren puntu garrantzitsuenetakoa sare sozial korporatibo bat guk eskolan
egindako proiektuan ea inplementatu daitekeen edo ez jakitea da. Yammer sare sozial korporatiboak
eskaintzen dituen erabilera guztiak aztertu ditut eta orain nola inplementatu daitekeen aztertzeko
garaia da.
Sare sozial korporatiboak enpresa bateko langileen arteko komunikazioa hobetzeko sortu
ziren eta garbi dago Yammer-en indar-aldietako bat eskaintzen duen komunikazio azkarra dela. Hau
oso erabilgarria izan daiteke guk egin dugun bezalako proiektu batean, izan ere, momentu askotan
taldea hainbat tokitan sakabanaturik zegoen eta elkarrekin komunikatzea zaila egiten zen batzuetan.
Yammer erabili izan bagenu arazo hori ez zen egongo eta elkarrekin komunikatzeko gai
izango ginateke. Gainera, Yammer-en bidez etxean gaudela ere proiektuari buruzko dudaren bat
eduki ezkero, bertan idatzi daiteke eta klase-kideren batek erantzun.
Beste atal interesgarri bat dokumentuak editatzearena da. Yammer-ek ez du soilik
dokumentuak igotzen uzten, baizik eta berauek editatzeko aukera ematen du. Modu honetara,
erabiltzaile batek dokumentazio bat igo dezake eta gainontzekoek irakurtzen duten bitartean akatsen
bat aurkituz gero, zuzenketak egin ditzakete.
Proiektuan Yammer inplementatzeko arazorik ez dago, izan ere, ez da ezer instalatu behar
eta beraz ez da ezer kostatzen. Benetako arazoa da erabiltzaileek berau erabiliko duten ala ez
jakitea ezinezkoa dela. Zeren, gaur egun, mugikorreko aplikazioak erabiltzen dira komunikatzeko
sakabanatuta gaudenean eta nahiz eta norbaitek etxetik erabili bere dudak planteatzeko ez badago
beste inor duda hori erantzuteko alferrikakoa litzateke.
Hortaz, orokorrean Yammer bezalako plataforma batek hainbat abantaila eskaintzen ditu eta
erraz inplementatu daiteke guk egin dugun moduko proiektu batean, baina erabiltzaileek berau ez
erabiltzearen arriskua dago. Hala eta guztiz ere, ez duenez inolako esfortzurik behar martxan
jartzeko, nik proba egingo nuke proiektuan inplementatuz.

25. ONDORIOAK
Proiektu honekin hasi nintzenean ez nekien zer ziren sare sozial korporatiboak, egia esan,
bazirenik ere ez nekien. Baina, proiektu hau egin bitartean konturatu naiz benetan oso erabilgarriak
izan daitezkeela enpresentzat, batez ere, enpresa handientzat.
Langileen artean komunikatzeko modu berri, erraz eta eraginkorra eskaintzen dute sare
hauek eta horrek komunikazioaren hobekuntzarekin batera ekoizpenaren gorakada ekartzen du.
Gainera sare sozial hauek enpresa ezberdinen arteko elkarlana bultzatzen du, izan ere, elkarren
arteko harremanak hobetzeko pentsatuta daude, nahiz eta nik ezin izan dudan hori probatu.
Nire bizitzan zehar, hainbat web aplikazio erabili eta instalatu ditut, baina inoiz ez nuen
horrelako aplikaziorik erabili eta esan beharra dut gustura aritu naizela proiektu honetan lan egiten.