1. Aralin 10:
Pagsulat ng Reaksyong
Papel
Pagbasa at Pagsusuri ng Iba’t Ibang Teksto
Tungo sa Pananaliksik
Bb. Rhonnalyn R. Ruizo
Guro II
2. Nakasusulat ng mga reaksyong papel batay sa
binasang teksto ayon sa katangian at kabuluhan nito sa
sarili, pamilya, komunidad, bansa at daigdig.
Kasanayang Pampagkatuto
Layunin
A. Nakasusulat ng reaksyong papel batay sa binasang teksto
ayon sa katangian at kabuluhan nito sa sarili, pamilya,
komunidad, bansa at daigdig.
B. Nakasusulat ng reaksyong papel batay sa binasang teksto.
C. Maibahagi ang sariling impresyon tungkol sa binasang
teksto.
3. Subukin
Basahin at unawain ang bawat aytem. Tukuyin ang tamang
sagot.
1. Ito ay tumutukoy sa pagbibigay o paglalahad ng
isang opinion o kaisipan na maaring sumang-ayon
o sumasalungat sa mga sitwasyong may kinalaman
sa gawi ng mga tao, bagay, pook at pangyayari.
A. Liham C. Tekstong Naratibo
B. Reaksyong Papel D. Pagsulat ng Pananaliksik
4. 2. Alin sa mga pahayag ang nagsasaad ng kaibahan ng
reaksyong papel sa iba pang sulatin?
A. Ito ay naglalahad ng mga impormasyon.
B. Ito ay naglalahad ng mga argumentong paksa.
C. Ito ay naglalahad ng mga sulating may proseso.
D. Ito ay naglalahad ng mga opinion at sariling ideya tungkol
sa binasa.
3. Anong bahagi ng reaksyong papel ang pumupukaw sa
interes ng mga mambabasa?
A. Wakas B. Katawan C. Kongklusyon D. Introduksyon
5. 4. Bakit kinakailangang suriin ng manunulat ang kanyang
akda bago ito ipamahagi sa mga mambabasa?
A. Upang hindi malito ang mambabasa
B. Upang magkaroon ng maayos na daloy ng ideya.
C. Upang maisabuhay ng mambabasa ang binasang akda
D. Upang matugunan ng may-akda ang kawilihan ng
mambabasa.
5. Ito ay bahagi ng reaksyong papel kung saan nakasaad
ang iyong sariling kaisipan ukol sa pangunahing ideya.
A. Wakas B. Katawan C. Kongklusyon D. Introduksyon
6. Bago tayo magpatuloy, Halina at lumibot muna sa iba’t
ibang lugar sa pamamagitan ng mga pahayag mula sa iba’t
ibang bansa. Subalit kailangang bigyan mo ng maikling
reaksyon ang bawat kasabihan.”
Tuklasin
1. Pagkatapos ng ulan, hindi na kakailanganin ang payong.
(Bulgaria)
2. Ang aklat ang nagbibigay ng kaalaman ngunit ang buhay
ang nagbibigay ng pag-unawa. (Hebreo)
3. Mas mainam na ang bumalik kaysa maligaw. (Russia)
4. Mapapaamo ang anomang uri ng hayop ngunit ang hindi
ang dila ng tao (Pilipinas)
7. Kahulugan ng Reaksyong Papel Talakay
- ay maituturing na isang uri ng sulatin kung saan ang may
akda ay makakapagbigay ng sariling ideya at opinion
patungkol sa binasang teksto.
----- https://www.bestessays.com/glossary/reaction_paper.php
Ang isang reaksyong papel ay naglalahad ng
sariling opinyon at mga natutunan ng isang manunulat
patungo sa isang teksto o pangyayari.
- https://kingessays.com/reaction-paper.php
8. Kahulugan ng Reaksyong Papel Talakay
At mula rin sa coursehero.com sa pagsulat ng
reaksyong papel mahalaga ring isaalang-alang ang
sarili at ang mga maaring makabasa ng isinulat.
Maaring ang mismong pamilya, komunidad, bansa at
maging ang daigdig ay maabot ng iyong isinulat, lalo
pa sa panahon ngayon na napakabilis ng teknolohiya.
Laging tandaan na ang bawat isa ay mayroong
responsibilidad sa sarili at sa kapwa.
9. Apat na Bahagi ng Reaksyong Papel Talakay
1. Introduksiyon
- ito ang pupukaw sa interest ng mga nagbabasa. Sa
parteng ito, kailangang ilarawan ang papel at may-
akda na iyong pinag-aaralan. Kailangang maglagay ng
mga tatlo hanggang apat na mga pangungusap mula
sa orihinal na papel na iyong pinag-aaralan.
Kailangan ding maglagay ng iyong maikling thesis
statement ukol sa papel.
10. Apat na Bahagi ng Reaksyong Papel Talakay
2. Katawan
Ang katawan ay kung saan nakasaad ang iyong
mga sariling kaisipan ukol sa mga pangunahing
ideya ng papel na iyong pinag-aaralan. Dito
sinusuri ang orihinal na papel.
3. Konklusyon
maikli lamang ngunit naglalaman ng impormasyon
ukol sa thesis at mga pangunahing ideya na
nasaad sa reaksyong papel.
11. Apat na Bahagi ng Reaksyong Papel Talakay
4. Pagsipi at pinagmulan ng mga impormasyon
Ito ay ang bahagi kung saan nakalagay ang
maikling impormasyon ukol sa pagsipi at
pinagmulan ng mga impormasyon na iyong
nailahad.
https://kingessays.com/reaction-paper.php
12. ISTRANDED
Dobleng dagok naman ang nararanasan ng OFWs na
istranded sa National Capital Region mula nang ipatupad ang
enhanced community quarantine (ECQ). Bukod pa kasi sa libu-libo
nang narepatriate na OFWs mula sa iba’t ibang bansa na istranded
ngayon sa quarantine facilities, mahigit 30,000 pang istranded sa
Kamaynilaan na seafarers at land-based OFWs na nagsasanay o
nag-aayos pa lang ng papeles at mga kontrata nang abutan ng ECQ.
Daing nila, hindi na nga sila makapagtrabaho, wala pa silang
natatanggap na tulong mula sa gobyerno. Hindi kasi kasama sa
prayoridad na bigyang ayuda ang mga gaya nilang hindi pa
nakakaalis o paalis pa lang. Dahil mga OFWs, hindi rin isinasama
ang pamilya nila sa Social Amelioration Program (SAP) ng
Department of Social Welfare and Development (DSWD).
Pagsasanay
13. Kuwento ng seaman na si Jevy Garsilva, isa sa libu-libong
nag-aplay para sa AKAP, naka-ilang balik na sila sa OWWA
para humingi ng tulong. Nilalakad lang nila mula sa
boarding house sa Maynila papunta sa tanggapan ng
ahensiya sa Pasay pero ipinapasa lang sila sa Maritime
Industry Authority (Marina) na ipapasa lang din sila sa
kani-kanilang main agency. “Pagpunta namin sa
OWWA ituturo kami sa Marina tapos sasabihing hindi
mandatory (ang pagbigay ng tulong), kasi wala pang
badyet. Nasaan ’yung pondo namin? Ang tulong kailangan
namin ngayon, hindi pagkatapos pa ng lockdown,” ani
Jevy.
14. Lampas isang buwan nang stranded si Jevy sa
Maynila. Kakatapos niya lang magsanay dito at
pasampa na sana ng barko nang abutan ng lockdown.
Dahil hindi nakaalis, problema niya ngayon kung saan
kukuha ng panggastos sa araw-araw at ang ipapadala
sa pamilya sa probinsiya na hindi rin makapaghanap-
buhay dahil sa ECQ. Ang naipon niya kasi, naubos na
sa training at pagaayos ng mga papeles. “Buti yung
mga nakaalis, kahit papaano may maiuuwi pa. Eh,
paano naman kaming mga istranded? Dapat bigyan
din kaming prayoridad,” giit ni Jevy.
15. Ano ang iyong reaksyon sa tekstong
binasa?
Ibahagi ito sa klase.
16. Panuto: Punan ng angkop na salita ang patlang upang mabuo
ang diwa ng talata
• 1. Ang isang reaksyong papel ay naglalahad ng ______ at
mga _____________ ng isang manunulat patungo sa isang
teksto o pangyayari.
• 2. Sa pagsulat ng reaksyong papel mahalaga ring isaalang-
alang ang _____at ang mga maaring makabasa ng isinulat.
Maaring ang mismong ______,________, _______ at
maging ang daigdig ay maabot ng iyong isinulat, lalo pa sa
panahon ngayon na napakabilis ng _________.
Isaisip
17. •3. Sa bahagi ng reaksyong papel, ang
__________ ay ang pumupukaw sa interest ng
mga nagbabasa. Sa parting ito kailangang
ilarawan ang papel at may-akda ng iyong pinag-
aralan.
•4. Ang ________ naman ay maikli lamang ngunit
naglalaman ito ng impormasyon ukol sa binasa.
•5. Ito ay bahagi ng reaksyong papel kung saan
nakasaad ang iyong sariling kaisipan ukol sa
pangunahing ideya.
18. Awtput Bilang 1
Pagsulat ng Reaksyong Papel
Tekstong Babasahin
Sa Aking Pagtanda (Sulat ni Nanay at Tatay)
Rev. Fr. Ariel F. Robles, CWL
19. PAMANTAYAN Kaukulang
Puntos
Tinamong
Puntos
Mabisa ang ginamit na panimula ng sanaysay upang
makuha ang atensiyon at interes ng mambabasa.
Malinaw ang argumento ng teksto sa pamamagitan ng
mahusay na pagkakalahad ng tesis o pananaw ng may-akda.
7
Nasagot ang karamihan sa mga gabay na tanong at nakapagbibigay ng
matibay na suportang detalye.
Gumamit ng iba-ibang uri ng teksto upang palawakin ang mga
suportang detalye ng sanaysay.
Nagtataglay ng kaisahan at kaayusan ang paghahanay ng mga kaisipan.
Nakahanay sa isang makatwirang pagkakasunod –sunod ang mga
ideya.
Nagbigay ng makabuluhang reaksiyon tungkol sa nabasang teksto.
Nagbigay ng sapat na patunay o suportang detalye upang pagtibayin
ang pananaw ng may-akda.
10
Pamantayan para sa pagsulat ng Reaksyong Papel
20. PAMANTAYAN Kaukulang
Puntos
Tinamong
Puntos
Maayos na nailagom ang nilalaman ng buong teksto.
Napagtahi-tahi ang lahat ng ebidensyang tinalakay at
argumentong isinasaas ng tesis
Nakaramdam ng pag-sang-ayon o pakikiisa sa layunin
ng teksto.
3
Sumunod sa wastong balarila at baybay, at mga
panuntunan sa pagsulat ng sanaysay.
Angkop at wasto ang mga ginamit na salita.
Mahusay ang paggamit ng wika.
5
Kabuoan 25
Pamantayan para sa pagsulat ng Reaksiyong Papel